Ozarbayjon prezidenti Moskva harakatlaridan norozilik bildirdi.
Ozarbayjon prezidenti Ilhom Aliyev Al Arabiya telekanaliga bergan intervyusida Rossiya tomonidan ozarbayjonlik fuqarolik samolyotiga berilgan zarba va Moskva rasmiylarining reaksiyasi Bokuni chuqur xafagarlik va norozilik bilan to‘ldirganini ma’lum qildi.
🗣 «Avvalo, bunday holat sodir bo‘lmasligi kerak edi. Agar dronlar Rossiya aeroportlariga hujum qilsa, “Kover” rejimi joriy etiladi va barcha samolyotlarga signal berilib, qaytariladi. Halokatdan ikki hafta oldin ham xuddi shunday bo‘lgan, uchuvchilar signal olib, orqaga qaytgan. Bu safar esa signal, samolyotga zarba berilgandan keyingina berilgan. Demak, tergovni adashtirish uchun shunday qilingan. Samolyotga ikki marta zarba berilgan. Faqat uchuvchilarning mahoratliligi tufayli u qo‘nishga muvaffaq bo‘ldi. Va yaxshiki, bu Rossiyada emas, balki Qozog‘istonda ro‘y berdi», — dedi Aliyev.
📍 Aliyev ta’kidlashicha, ushbu hodisadan so‘ng ham Ozarbayjon Rossiya bilan munosabatlarni yomonlashtirishni istamagan:
🔻 «Bu vaziyat ikki tomonlama munosabatlar uchun juda jiddiy. Lekin ularni yomonlashtirishni biz boshlagan emasmiz. Bizning xalqimiz ranjidi, g‘azablandi. Biz tergov tugashini kutdik. Ammo shundan so‘ng Rossiyada ozarbayjonliklarga qarshi asossiz hujumlar boshlandi. Ikki kishi qiynoqqa solinib, o‘ldirildi, rasmiy ma’lumotda esa “yurak xurujidan vafot etgan” deyildi. Agar ular 20 yil avval jinoyat qilgan bo‘lsa ham – ular inson. Ularga bunday muomala qilib bo‘lmaydi. Bu bizning xalqimizga qarshi mislsiz tajovuz bo‘ldi. Biz javobimizni qonuniy va konstruktiv yo‘l bilan beramiz, lekin hech qachon tajovuz yoki hurmatsizlikka chidab turmaymiz», — deya ta’kidladi Ozarbayjon rahbari.
Maktablarda 1 sentyabrdan smartfondan foydalanish taqiqlanadi
Keyingi 5 yil ichida boshlanishi mumkin bo‘lgan 5 ta urush
AQSh Kongressiga nomzod Valentina Gomes Qur’onni yoqib yubordi
