Qozog‘istonning Aktau shahri yaqinida halokatga uchragan Ozarbayjon havo yo‘llari samolyotining 8 kishidan iborat turkiyalik mutaxassislar guruhi tergovda ishtirok etadi. Bu haqda Turkiya transport va infratuzilma vaziri Abdulqodir Uralo‘g‘li ma’lum qildi.
Uning so‘zlariga ko‘ra, ekspert komissiyasi Ozarbayjon fuqaro aviasiyasi davlat agentligi taklifi asosida tuzilgan.
"Biz texnik va operasion tahlillarni o‘tkazamiz va kerakli yordamni taqdim etamiz. Hodisaning to‘liq holatlarini o‘rganish va natijalarini ma’lum qilish uchun rasmiylar bilan kelishilgan holda ishlaymiz”, — dedi u.
Uralo‘g‘lu, delegasiyaning 27 dekabr oqshomida Bokuga jo‘nab ketishini va ertasi kuni ishga kirishishini bildirdi.
"Turkiya har qanday sharoitda ham Ozarbayjonni qo‘llab-quvvatlaydi", - dedi u.
Vazir aviahalokatda halok bo‘lganlarning yaqinlariga hamdardlik bildirdi va jarohatlanganlarning tezroq sog‘ayib ketishini tiladi.
Qodirov O‘zbekiston rahbariyatini "uyg‘onish qo‘ng‘irog‘i"dan ogohlantirdi
Ozarbayjon javob qaytardi
Ronaldu va Messidan ham 12 baravar boyroq futbolchi haqida eshitganmisiz?
