O‘zbekiston Fanlar akademiyasi akademigi, taniqli fizik olim Nazar To‘rayev 3 oktyabr kuni 85 yoshida vafot etdi. Bu haqda O‘zbekiston Fanlar akademiyasi xabar berdi.
1938 yili Denov tumanida tug‘ilgan. Nazar To‘rayev O‘zbekistonda xizmat ko‘rsatgan fan arbobi (1988) unvoniga, fizika-matematika fanlari doktori (1980), professor (1982) ilmiy darajalariga ega bo‘lgan.
Nazar To‘rayev atom zarralarning qattiq jismlar sirtida sochilishi nazariyasi, ionlarning birlamchi va ikkilamchi sochilishiga oid sohalarda ilmiy izlanishlar olib borgan. U O‘zbekistonda birinchi bo‘lib nazariy fizika masalalarini kompyuterda algoritmlab yechishni amalga oshirgan.
To‘rayev lazer nuri bilan qishloq xo‘jalik ekinlari urug‘larini nurlantirish ilmiy laboratoriyasining asoschilaridan biridir.
Akademik 1990-1995 yillarda Oliy Kengash deputati bo‘lgan. 1998 yilda «Mehnat shuhrati» ordeni bilan mukofotlangan.
Hokim o‘rinbosari o‘zini yoqib yubordimi?
“Ota-onam men bilan gaplashmaydi…” Bloger Maryam Tillayeva shaxsiy hayoti haqida intervyu berdi
Andijon hokimi Shuhrat Abdurahmonov jinoyat sodir etgani haqida xabarlar tarqaldi
