Airbus'ning minglab samolyotlari uskunalarida nosozlik mavjudligini ma’lum qildi

Reuters: Airbus'ning minglab samolyotlari uskunalarida nosozlik mavjudligini ma’lum qildi. Bu parvozlar uzilishiga yoki bekor bo‘lishiga olib kelishi mumkin.

Aviasiya korporasiyasi kuchli quyosh nurlanishi samolyot boshqaruvi uchun zarur bo‘lgan ma’lumotlarda buzilishlarga sabab bo‘layotganini bildirdi.

"Muammo 30 oktyabr kuni AQShning Florida shtatida Jet Blue aviakompaniyasiga tegishli A320 samolyoti bilan bog‘liq hodisadan keyin aniqlangan. Samolyot parvoz vaqtida balandlikni yo‘qota boshlagan va favqulodda qo‘nishga majbur bo‘lgan. Hodisa oqibatida kamida 15 kishi jarohat olgan", deya yozmoqda Reuters .

Ma’lumotlarga ko‘ra, muammo eng ommabop model — A320 da kuzatilgan, shuningdek A318, A319 va A321 samolyotlariga ham taalluqli. Umumiy hisobda deyarli 6000 ta samolyotda kamchilik bo‘lishi taxmin qilinmoqda, shundan 5100 tasida muammoni shunchaki dasturiy ta’minotni yangilash orqali hal qilish mumkin. Eski samolyotlarda esa uskunalarni almashtirish talab qilinadi, bu esa ularni vaqtincha foydalanishni chiqarishni bildiradi.

Buyuk Britaniya aviasiya regulyatori bu jarayonlar parvozlar jadvalida ba’zi buzilishlar va reyslarning bekor qilinishiga olib kelishini ma’lum qildi.