Afrika va G‘arbiy Osiyoda to‘yib ovqatlanmaslikdan aziyat chekayotganlar soni ko‘paydi

Oxirgi bir yil ichida to‘yib ovqatlanmaslikdan aziyat chekayotgan dunyo aholisining ulushi 673 million kishigacha kamaydi, biroq Afrika va G‘arbiy Osiyoda och qolganlar soni ortib bormoqda.

Bu haqda BMTning Oziq-ovqat va qishloq xo‘jaligi tashkiloti tomonidan e’lon qilingan dunyoda oziq-ovqat xavfsizligi va ovqatlanish holati to‘g‘risidagi hisobotda aytiladi.

"2024 yilda dunyo aholisining 8,2 foizi yoki qariyb 673 million kishi ochlikdan aziyat chekdi, 2023 yilda bu ko‘rsatkich 8,5 foiz, 2022 yilda esa 8,7 foiz bo‘lgan”, — deyiladi matnda. Qayd etilishicha, bu ijobiy tendensiya “Afrika va G‘arbiy Osiyoda och odamlar sonining barqaror o‘sib borayotganidan keskin farq qiladi”. 2024 yilda Afrikada ochlikdan aziyat chekayotgan aholining ulushi 20 foizdan oshdi yoki 307 million kishi. G‘arbiy Osiyoda u 12,7% yoki 39 milliondan ortiq kishini tashkil etdi.

Hisobotda 2030 yilga borib 512 million kishi surunkali to‘yib ovqatlanmaslikdan aziyat chekishi, ularning deyarli 60 foizi Afrikada ochlikdan aziyat chekishi taxmin qilinmoqda.