Afg‘onistonlik qochqinlar bo‘lgan yana bir samolyot Germaniyaga yetib keldi

Kecha ertalab Afg‘onistondan kelgan qochqinlarni olib ketayotgan yana bir charter reys Gannover ayeroportiga qo‘ndi. Bild ma’lumotlariga ko‘ra, samolyot bortida “ayniqsa himoyaga muhtoj” maqomi berilgan 200 ga yaqin odam bo‘lgan. Ular orasida ayollar va bolalar ham ko‘p.

Samolyot Pokiston poytaxti Islomoboddan parvoz qilganidan keyin 80 daqiqa kechikib yetib keldi. Samolyotdan oldin, WELT ma’lumotlariga ko‘ra, viza bilan bog‘liq muammolar yana paydo bo‘lgan - Germaniya polisiyasi oxirgi daqiqada kamida uchta kirish ruxsatnomasini bekor qilgan. Yetib kelgach, ushbu reysdagi ko‘pchilik yo‘lovchilar Fridlenddagi (Quyi Saksoniya) dastlabki qabul qilish markaziga yo‘naltiriladi.

Bu odamlarning aksariyati bir necha oylar davomida Pokistondan uchib ketishni kutishgan. Germaniya hukumatiga ko‘ra, yana 2800 afg‘on Germaniyaga borishni kutmoqda. Ungacha ular Germaniya davlat idoralaridan yordam oladi.

2022 yildan 2024 yilgacha Germaniya “himoyaga muhtoj” maqomidagi afg‘onlarni qabul qilish, joylashtirish va tibbiy yordam ko‘rsatish uchun 82,7 million yevro sarfladi.