Shov-shuv! Xitoy dengiz ostida 100 million tonna neft topdi!

NOOC fondi 100 million tonnadan ortiq yirik neft konini topdi.

Xitoyning CNOOC neft korporasiyasi dushanba kuni Janubiy Xitoy dengizining sharqiy qismida tasdiqlangan geologik zaxiralari 100 million tonnadan ortiq bo‘lgan yirik neft koni topilganini ma’lum qildi, deb xabar beradi Sinxua.

CNOOC ma’lumotlariga ko‘ra, yaqinda Xitoyda «Xueychjou 19-6» deb nomlangan yangi neft koni topilgan. Bu chuqur va o‘ta chuqur qatlamlarda joylashgan Xitoy shelfidagi birinchi yirik kon maydonidir.

Kon Xitoy janubidagi Shenchjen shahridan taxminan 170 km uzoqlikda, 100 metr chuqurlikda joylashgan. Sinov burg‘ulash jarayonida kuniga 413 barrel neft va 68 ming kub metr gaz qazib olinib, uning imkoniyatlarini tasdiqladi.

Dengiz shelfidagi bunday chuqur qatlamlarda neft va gazni qidirish yuqori bosim va harorat, shuningdek, jinslarning past o‘tkazuvchanligi kabi qiyinchiliklarni keltirib chiqaradi, bu esa yirik konlarni aniqlashni qiyinlashtiradi. Biroq jahon neft va gaz zahiralarining katta qismi ana shu chuqur qatlamlarda joylashgan bo‘lib, ularni o‘rganish kelajakda ishlab chiqarishning sezilarli o‘sishini va’da qilmoqda.

Xitoyning CNOOC neft kompaniyasi ta’kidlaganidek, so‘nggi yillarda Janubiy Xitoy dengizining sharqiy qismida bir qancha yirik kashfiyotlar amalga oshirildi, bu esa mintaqadagi neft va gaz zaxiralarini yanada oshirish imkonini beradi.