Afg‘oniston kon va neft vaziri Hidayatulloh Badri va G‘or viloyati gubernatori Hayatulloh Muborak bo‘lgan vertolyot halokatga uchradi.
Bu haqda Muborak matbuot kotibi Rasas Badriga tayanib, Pajhwok agentligi xabar berdi.
"Vertolyot G‘or viloyatining Tulak tumanidagi Nalbandan hududiga qulagan. Hech kim jabrlanmagan", — deyiladi maqolada.
Gubernator matbuot kotibining aytishicha, halokatga vertolyotning texnik nosozligi sabab bo‘lgan. Badrining qayd etishicha, vazir va gubernator voqea sodir bo‘lgan tumandagi qo‘rg‘oshin koniga tashrif buyurishni rejalashtirgan.
Maqolada Afg‘oniston Mudofaa vazirligi matbuot kotibi Inoyatulloh Xorazmiyning ijtimoiy tarmoqlarda vertolyot parvoz vaqtida toqqa qulagani haqida yozgan ma’lumotlari ham keltiriladi.
