Afg‘oniston fuqarosi AQShda terrorchilik tahdidlarini tarqatishda ayblandi.
Bu haqda AQSh ichki xavfsizlik departamentiga tayanib, Fox News telekanali ma’lum qildi.
Afg‘oniston fuqarosi Muhammad Dovud Alokozay 25 noyabr kuni TikTok platformasida Fort-Uert shahrida (Texas shtati) portlatish uchun bomba yig‘ayotganini taxmin qilgan videoni joylashtirganidan so‘ng hibsga olingan edi. Ayblanuvchi AQShning sobiq prezidenti Jo Bayden davrida AQSh qo‘shinlari mamlakatdan olib chiqilishi ortidan Vashingtonning afg‘on ittifoqchilarini kutib olish dasturi bo‘yicha AQShga kelgan.
Xuddi shu dastur 2021 yilda Afg‘oniston fuqarosi Rahmonulloh Laqanvalni ham AQShga olib keldi. U shu yilning 26 noyabrida Vashingtonda Milliy gvardiya askarlariga qarata o‘t ochdi. Milliy gvardiyaning ikki askari va hujumchi yaralanib, kasalxonaga yotqizilgan. Keyinroq askarlardan biri olgan jarohatlaridan vafot etdi.
Vashingtonda Milliy gvardiya askarlariga uyushtirilgan hujum ortidan AQSh hukumati Afg‘oniston fuqarolari uchun vizani to‘xtatib qo‘ydi va chet el fuqarolarining boshpana so‘rovlarini ko‘rib chiqishni vaqtincha to‘xtatdi.
O‘zbekiston bo‘ylab sovuq antisiklon va inversiya uzoqroq davom etadi
Toshkent viloyati va Toshkent shahrida "erfurushlar" qo‘lga tushdi
KIA avtosaloni xodimi mijozni kaltakladi (video)
