Aeroportda koronavirusdan himoyalanish usullari ma’lum qilindi

AQSh transport xavfsizligi ma’muriyati samolyot bortida va aeroportda koronavirus infeksiyasidan qanday himoyalanish mumkinligini tushuntirib berdi.

Bu haqda “Express” nashri xabar bermoqda.

Unga ko‘ra, avvalo, imkon qadar ijtimoiy masofani saqlash kerak. Ma’muriyat, tomonidan qayd etilishicha, odamlar orasidagi masofa taxminan 183 santimetrga teng bo‘lishi, safar davomida esa niqob va qo‘lqopdan foydalanish zarur.

Shuningdek, parvozdan oldingi tekshirish paytida tashqi kiyim uchun taqdim etiladigan idishlardan ehtiyot bo‘lish lozim, zero, ular ko‘pincha ifloslangan bo‘lishadi.

Shuningdek, shaxsiy gigiyena vositalari, shu jumladan, bolalar tagliklarini ham ularga joylashtirmagan ma’qul.