Germaniyaning Adidas sport kiyimlari kompaniyasi xalqaro miqyosda mashhur falastinlik-amerikalik model Bella Hadidni Isroilga xayrixoh lobbi guruhlari va tashkilotlarining noroziligidan so‘ng o‘z mahsulotlarini reklama qilishdan voz kechgach, norozilik va boykot chaqiriqlariga duch keldi.
Isroil tomonidan tanqid qilinganidan keyin Adidas uzoq vaqtdan beri Falastin huquqlarini himoya qilib kelgan Hadid xizmatlaridan bosh tortdi.
Daily Mailning vaziyatdan xabardor manbasiga tayanib xabar berishicha, Hadid o‘z advokatlarini qonuniy choralar ko‘rish zarurligi haqida ogohlantirgan va brend reklama kampaniyasi tufayli yuzaga kelgan «xafagarchilik yoki qayg‘u» uchun uzr so‘ragan.
Kompaniyaning bu qaroridan so‘ng ko‘plab ijtimoiy tarmoq foydalanuvchilari Adidasning xatti-harakatlariga Hadidni himoya qilish orqali javob berishdi.
Ijtimoiy tarmoq foydalanuvchilaridan biri shunday deb yozdi: «Bella Hadid - qahramon! Umid qilamanki, Adidas boykotdan aziyat chekadi». Boshqa bir foydalanuvchi: «Kechirasiz, bolalar, men Adidas’ni Bella Hadidga qo‘rqoqcha munosabatda bo‘lgani uchun sotib olmayman», deb javob berdi.
Adidasga qarshi norozilik boykot chaqiriqlariga aylanganligi sababli, foydalanuvchilar: «Bella Hadid voqeasidan keyin biz Adidas bilan xayrlashamiz» deb ta’kidladilar.
Alisher Usmonov nomzodini 103ta davlat qo‘llab-quvvatladi
Rossiya Ukraina hududini «rekord tezlikda» egallab oldi
Ukraina frontining «qulashi» e’lon qilindi
