Rossiya Premyer-Ligasining 27-turidan o‘rin olgan SSKA - "Rubin" bahsida tomonlar murosa ko‘chasini tanlashdi, 2:2.
O‘yinda Rojkov hisobni ochgan bo‘lsa, Abbosbek Fayzullayev tenglashtirib qo‘ydi. 74-daqiqada Chalov jamoasini oldinga olib chiqqandi, lekin 90+2 daqiqada Daku mezbonlar darvozasini ishg‘ol qildi.
"Rubin" safida harakat qilayotgan legioner futbolchilarimiz Rustam Ashurmatov hamda Umarali Rahmonaliyev zaxirada qoldirildi.
Mazkur uchrashuvdan keyin turnir jadvalida moskvaliklar 8, qozonliklar esa 9-o‘rinda borishmoqda.