“Hududgazta’minot” xabar berishicha, Nukus shahrida joylashgan “D. C.” MCHJga qarashli AGTKShda elektron gaz hisoblash uskunasiga (EGHU) tashqi ta’sir o‘tkazilgani ma’lum bo‘ldi. Holat bo‘yicha 3,4 mlrd so‘mli tabiiy gaz hajmi qayta hisob-kitob qilindi.
Yana bir shunga o‘xshash holat shahardagi “E. A. M. G.” MCHJga tegishli gaz to‘ldirish shoxobchasida ham sodir bo‘lgan. Hisoblagichga ta’sir o‘tkazib, tabiiy gazdan noqonuniy foydalangan korxonaga 217,3 mln so‘mlik jarima belgilangan.
Nukus tumanida joylashgan “D. C. O.” MCHJga qarashli AGTKSh nazoratdan o‘tkazilganda, hisoblagichning diafragma diametri va korxona raqami mavjud emasligi aniqlangan. Qonunbuzilish holati bo‘yicha dalolatnoma tuzilib, 8,6 mlrd so‘mlik tabiiy gaz hajmi qayta hisob-kitob qilindi.
Xo‘jayli tumanidagi “B.” MJChga tegishli AGTKShda ham EGHUning ham diafragma diametri va zavod raqami mavjud emasligi aniqlangan va qayta hisob-kitob amalga oshirilib, 6,1 mlrd so‘mlik jarima belgilangan.
Barcha holatlar bo‘yicha tegishli hujjatlar rasmiylashtirilib, huquqni muhofaza qiluvchi organlarga topshirildi.
Yurtimizga qachon qor yog‘adi?
Erkinjon Turdimovning yangi ish joyi ma’lum bo‘ldi
Shavkat Mirziyoyev yangi lavozimga saylandi
