Bosh prokuratura huzuridagi Departamentning Surxondaryo viloyat boshqarmasi tomonidan o‘tkazilgan tezkor tadbirda, Sariosiyo tumani temir yo‘l vokzali atrofida valyuta ayirboshlash bilan shug‘ullanib kelgan, muqaddam sudlangan J.X. fuqaro SH.B.dan 3 000 AQSh dollarini 33,6 mln so‘mga sotib olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 177-moddasi (valyuta qimmatliklarini qonunga xilof ravishda olish yoki o‘tkazish) bilan jinoyat ishi qo‘zg‘atilib, tergov harakatlari o‘tkazilmoqda.