O‘zbekistonda 2026 yil bahoridan fuqarolarga kelajakda oladigan pensiyasini oldindan hisoblash imkoniyati yaratiladi. Bu haqda Pensiya jamg‘armasi ijrochi direktori Murodbek Otajonov ma’lum qildi.
Hozirda jamg‘arma “Mening pensiyam” dasturini ishlab chiqmoqda. Ushbu xizmat orqali fuqarolar o‘z JSHSHIRini kiritib va OneID orqali identifikasiyadan o‘tib, mehnat staji, ish haqi, o‘qish davri, ayollar uchun farzandlar soni, erkaklar uchun harbiy xizmat haqidagi ma’lumotlarni integrasiya asosida olib, bo‘lajak pensiya miqdorini ko‘ra oladi.
Otajonovning aytishicha, dastur pensiya yoshiga yetganda ish staji yetarlimi-yo‘qligini ham ko‘rsatadi. Agar staj kam bo‘lsa, bu fuqarolarni norasmiy sektordan chiqib, rasmiy va yuqoriroq maoshli ishga o‘tishga undashi mumkin.
Dastlab xizmatni 2026 yil 1 sentyabrda ishga tushirish rejalashtirilgan edi. Biroq jarayon tezlashtirilib, aprel–may oylaridanoq amalga joriy etilishi kutilmoqda.
Xitoy o‘z aholisini jiddiy ogohlantirdi
Eronda hijob bekor qilindimi?
Dunyoda mol go‘shti rekord darajada qimmatladi
