2026 yildan boshlab davlat tilini bilmaydiganlar muddatli harbiy xizmatga chaqirilmaydi

2026 yildan boshlab Estoniyada faqat eston tilini biladigan yigitlar muddatli harbiy xizmatga chaqiriladi.

Ohtuleht nashri xabar berishicha, bunda insonga oddiy buyruqlarni tushunish va o‘rganish imkoniyatini beruvchi B1 tilni bilish darajasi nazarda tutilgan. Armiya bu bilan chaqiriluvchilarning til to‘sig‘i tufayli eng oddiy buyruqlarni ham tushuna olmasligi muammosini hal qilishi kerak, deb hisoblaydi.

Gazetaning yozishicha, chaqiriluvchilarning qariyb beshdan bir qismi harbiy xizmatga kelganida o‘quv mashg‘ulotlarida qatnashish va xizmat vazifalarini bajarish uchun davlat tilini yetarli darajada bilmaydi. Shu bois Qurolli Kuchlar harbiy tayyorgarlik hisobiga ular uchun til o‘rgatish ishlarini tashkil etishga majbur.

Agar eston tilini B1 darajasiga ega bo‘lmasa, u 27 yoshga to‘lgunga qadar zaxiraga qo‘shilmaydi, ammo muddatli harbiy xizmatga chaqiriluvchi bo‘lib qoladi, agar shaxs bu davrda zarur til ko‘nikmalariga ega bo‘lsa, harbiy xizmatga chaqiriladi; bo‘lmasa, ular 28 yoshga to‘lgandan keyin zaxiraga o‘tkaziladi.

Mudofaa kuchlari tomonidan taklif qilinadigan tillarni o‘rgatish to‘xtatiladi. 2019 yildan beri Estoniya Qurolli Kuchlari davlat tilini bilishi cheklangan chaqiriluvchilar uchun yiliga taxminan 50 000 yevro turadigan qo‘shimcha darslarni taqdim etmoqda.