Rossiyaning Sankt-Peterburg shahri parlamenti migrantlar uchun mehnat patenti narxini hisoblashda qo‘llanadigan koeffisiyentni oshirish to‘g‘risidagi qonun loyihasini birinchi o‘qishda ma’qulladi. Shahar merining Qonunchilik assambleyasidagi vakili Konstantin Suxenko tashabbus haqida «Kommersant»ga batafsil gapirib berdi.
Endi Ozarboyjon, O‘zbekiston, Tojikiston va Moldova fuqarolari olishi kerak bo‘lgan mehnat patentining narxi 30 foizga oshib, 6 ming rublga yetishi mumkin. Hozir patent uchun 4,6 ming rubl to‘lash kerak, 1,597 koeffisiyentda.
Migrantlar uchun mehnat patentining narxi uchta parametrni qo‘llagan holda hisoblanadi: qat’iy belgilangan avans to‘lovi miqdori (1200 rubl), Iqtisodiy rivojlanish vazirligi tomonidan belgilanadigan deflyator koeffisiyenti (2024 yilda 2,4) va mintaqalarning har biri mustaqil ravishda belgilaydigan koeffisiyent.
Konstantin Suxenko so‘zlariga ko‘ra, Sankt-Peterburg ma’muriyati mintaqaviy koeffisiyentni 1,93 miqdorida belgilashni taklif qilmoqda. Bu Sankt-Peterburg hududida mehnat patentining oylik qiymatini 6 ming rubl bo‘lishini ta’minlaydi. Unga ko‘ra, patent uchun xuddi shunday narx Leningrad viloyatida ham o‘rnatiladi.
Tashabbus deyarli bir ovozdan qabul qilingan: 46 deputat uni yoqlagan, ikki nafari qarshi ovoz bergan. Qonun qachondan kuchga kirishi haqida xabarda ma’lumot berilmagan.
Mudofaa vazirligi murojaat bilan chiqdi
Buyuk Britaniya Putinga «eng zamonaviy» qanotli raketalar bilan xabar yubordi
Dunyoning tabiiy zaxirlari qiymati bo‘yicha eng boy 10 mamlakati
