UzAuto Motors 22 noyabrda Cobalt uchun kontraktasiya ochadi

UzAuto Motors kompaniyasi Chevrolet Cobalt avtomobilining GX-Style AT Plus va GX-Midnight AT turlari uchun kontraktasiya ochilishini ma’lum qildi

Avtomobillarni xarid qilish uchun shartnomani 22 noyabr kuni soat 10:00 dan boshlab savdo.uzavtosanoat.uz sayti orqali tuzish mumkin.

Telegram bot hamda UzAvtosavdo ilovasi esa navbatni kuzatish xizmatini hamda mavjud avtomobillar haqida ma’lumotni taqdim etadi.

Kompaniya avtomobil xaridi uchun tuzilgan shartnomalar bo‘yicha to‘lov yetti kalendar kun ichida amalga oshirilishi lozimligini eslatib o‘tdi. Savollar bo‘lsa, kompaniya call-markazi: 78 141 77 77 raqamiga murojaat qilish mumkin.

Ma’lumot uchun, Cobalt avtomobilining yangi modifikasiyasi — Cobalt Midnight hozirgi mavjud modifikasiyadan 7,3 mln so‘m qimmatroq bo‘ladi. Birinchi bosqichda yangi modifikasiyada yoritish tizimi va g‘ildirak disklari qoramtir tusda bo‘ladi. Keyingi bosqichlarda esa interyer qismi bo‘yicha qo‘shimcha o‘zgartirishlar kiritiladi.