Putin Trampdan kuchsizroq

AQSh prezidentida kuch, vakolat, qurol va pul bor. Putin Trampdan kuchsizroq — Zelenskiy Fox News telekanaliga bergan intervyusida shunday fikrni bildirdi.

Ukraina prezidentining mazkur intervyuda bildirgan boshqa fikrlari:

◾️ Hozirda ko‘p narsa Putinga bog‘liq. Agar u xohlasa, urushni tugatishi mumkin;

◾️ Ukraina Rossiya tomonidan bosib olingan Qrimni qaytarish uchun o‘n minglab odamlarini qurbon qila olmaydi. Qrimni diplomatik yo‘llar bilan qaytarish mumkin;

◾️ Kiyev Ukrainaning bosib olingan hech bir hududini "yuridik jihatdan Rossiyaga tegishli" deb tan olmaydi. Biroq Ukraina rasmiylari endi Rossiyani qurol bilan o‘z hududlaridan surib chiqarish va 1991 yilgi chegaralarga qaytish uchun yetarli kuchga ega emasligini tushunadi;

◾️ Rossiya bilan ziddiyat boshlanganiga 1000 kundan oshgan hozirgi davrda Ukraina xalqining birdamlikni yo‘qotishni boshlashi juda ham xavflidir;

◾️ Bizda harbiy qurollar ishlab chiqarish bor, lekin bu g‘alaba qozonishimiz uchun yetarli emas. Menimcha, bu omon qolishimiz uchun ham yetarli emas;

◾️ Kiyev Vashington ko‘magisiz ham kurashni davom ettiradi. Ammo AQSh harbiy yordamni to‘xtatsa, Ukraina urushda mag‘lub bo‘lishi mumkin.