2025 yil uchun ijara to‘lovlarining minimal stavkalari belgilandi

Ijaraning eng kam yangi miqdorlari 2025 yil uchun davlat byudjet to‘g‘risidagi qonun bilan belgilandi.

Mazkur stavkalar jismoniy va yuridik shaxslarning mol-mulkini ijaraga berishdan olinadigan daromadlariga soliq solish maqsadida qo‘llaniladi.

Shu bilan birga, ular ko‘chmas mulkdan tekin foydalanish shartnomalariga tatbiq etiladi. Bundan yaqin qarindoshlar o‘rtasidagi tuzilgan shartnomalar mustasno.

Ijaraga beriladigan mol-mulk turlari va stavkalar

1. Binolar

Turarjoy (ijara stavkasi umumiy maydonning 1 kv. metri uchun):

Toshkent: 28 000 so‘m (+12%)

Nukus, viloyat markazlari: 13 500 so‘m (+12,5%)

Boshqa aholi punktlari: 5 500 so‘m (+10%)

Noturarjoy (ijara stavkasi umumiy maydonning 1 kv. metri uchun):

Toshkent: 45 000 so‘m (+12,5%)

Nukus, viloyat markazlari: 26 500 so‘m (+12,7%)

Boshqa aholi punktlari: 11 000 so‘m (+10%)

2. Avtomobil transporti uchun ijara stavkalari

Engil avtomobillar

(Yo‘lovchilar va bagaj tashishga mo‘ljallangan, haydovchi o‘rnini hisoblamaganda, o‘rindiqlari soni 8 tadan ko‘p bo‘lmagan avtotransport vositalari):

1 ta avtotransport vositasi uchun: 858 000 so‘m

Mikroavtobuslar, avtobuslar va yuk avtomobillari

1 ta avtotransport vositasi uchun: 1 705 000 so‘m