Bugun 15 sentyabr, 2019 yil, yakshanba

КИР

19 yoshli tennischi qiz Serena Uilyamsni yengib, US Open chempioni bo‘ldi

19 yoshli tennischi qiz Serena Uilyamsni yengib, US Open chempioni bo‘ldi

AQShning Nyu-York shahrida US Open turniri finalida mazkur turnirning 6 karra g‘olibi, 23 karra «Katta dubulg‘a» turkumidagi turnirlarda g‘olib chiqqan amerikalik tajribali tennischi Serena Uilyams 19 yoshli kanadalik Byanki Andreeskuga sensasion ravishda mag‘lub bo‘ldi.

Bu 37 yoshli amerikalik tennischi uchun «Katta dubulg‘a» turkumidagi turnirlar finallarida qatorasiga to‘rtinchi marta mag‘lub bo‘lishidir. Uning bu mag‘lubiyatlarining barchasi 2018 yilda tug‘ruq ta’tilidan kortga qaytishidan keyin ro‘y bergan. Bunga qadar u butun faoliyati davomida «Katta dubulg‘a» turnirlarida jami 6 marta finalni boy bergandi.

Yil boshida kuchli tennischilarning 150 kishilik ro‘yxatiga ham kirmagan kanadalik tennischi 6:3, 7:5 hisoblarida g‘alaba qozonib, o‘z faoliyatida ilk marta «Katta dubulg‘a» turkumidagi turnir g‘olibi bo‘ldi. E’tiborli jihati, ushbu yosh tennischi  o‘z faoliyatida asosiy setkada atigi 4ta o‘yin o‘tkazib, titul sohibi bo‘lgan tarixdagi ikkinchi tennischi bo‘ldi. Bungacha bunday natija «Rolan Garros»-1990 turnirida Monika Selesh tomonidan qayd etilgandi.

US Open turnirining 2019 yildagi sovrin jamg‘armasi 57 million dollarni tashkil etadi.

 

 

Kiritildi: 16:12 08.09.2019. O'qildi: 960 marta. Fikrlar soni: 0 ta.
telegram channel

Bo'limga tegishli qiziqarli xabarlar

Eng ko'p o'qilgan yangilik

Fikr bildirish uchun qaydnomadan o'tishingiz so'raladi, va telefon rakamni tasdiklash kerak buladi!