19 yoshli sportchi fojia qurboni bo‘ldi

Shveysariyalik motosikl poygachisi Jeyson Dyupaskye 19 yoshida vafot etdi. Bu haqda motopoyga bo‘yicha Jahon chempionati saytida xabar berilgan.

Ma’lum qilinishicha, Moto3 sinfida qatnashgan sportchi avtohalokatda olgan jarohatlaridan vafot etgan. To‘qnashuv 29 may kuni Italiyada bo‘lib o‘tgan chempionatning saralash bosqichi paytida yuz berdi. Poyga davomida Dyupaskye motosikldan yiqilib, orqasida ketayotgan raqibi Ayumu Sasakining g‘ildiraklari ostida qolib ketgan.

Jeysonga birinchi tibbiy yordam ko‘rsatilib, kasalxonaga yetkazilgan va u yerda vafot etgan.