Olingan ma’lumotlarga ko‘ra, Prezident Shavkat Mirziyoyev yuridik ta’limni takomillashtirishga oid farmonni imzolagan. Farmonga binoan:
– Toshkent davlat yuridik universiteti «yurisprudensiya» mutaxassisligi bo‘yicha yuridik kadrlarni tayyorlash, qayta tayyorlash bo‘yicha bazaviy oliy ta’lim va ilmiy-metodik muassasasi etib belgilandi;
– Samarqand, Namangan va Termiz davlat universitetlarida yuridik fakultetlar tashkil etiladi va ularga tabaqalashtirilgan to‘lov-kontrakt asosida qo‘shimcha kvotalarga qabul qilish huquqi beriladi;
– O‘zbekiston Respublikasi Fanlar akademiyasi Davlat va huquq instituti tashkil etiladi;
– TDYUUda Xalqaro va qiyosiy huquq fakulteti tashkil etiladi;
– 2020 yilda TDYUUda Germaniyaning Regensburg universiteti bilan hamkorlikda Nemis huquqi va qiyosiy-huquqiy tadqiqotlar markazi tashkil etiladi.
