Andijonda hokim o‘rinbosari pora bilan ushlangani aytilmoqda

Ijtimoiy tarmoqlarda tarqalgan ma’lumotlarga ko‘ra, Andijon viloyati hokimining o‘rinbosari I.Ismanov 50 ming dollar pora olayotganda qo‘lga olingan.

Qayd etilishicha, u Bobur shahridagi 20 sotix yerni auksion orqali rasmiylashtirib berish va qurilishga ruxsat olib berishni va’da qilib, har sotixi uchun 2 500 dollardan jami 50 ming dollar talab qilgan.

Ma’lumotlarga ko‘ra, u pulni o‘z uyida olgan vaqtda ushlangan.

Holat yuzasidan Jinoyat kodeksining tegishli moddalari bilan jinoyat ishi qo‘zg‘atilgan.