AQSh vise-prezidenti: "G‘azoda garovga olingan isroilliklarning o‘liklarini qaytarish vaqt talab etadi"

AQSh vise-prezidenti Djey Di Vensning ta’kidlashicha, G‘azo sektoridagi garovga olingan qolgan 15 kishining jasadlarini olish juda murakkab va "bir kechada amalga oshmaydi".

Bu haqda Djey Di Vens Kiryat-Gatdagi o‘t ochishni to‘xtatish rejimini kuzatish markazida o‘tkazilgan matbuot anjumanida ma’lum qildi.

"Bu murakkab. Bu bir kechada sodir bo‘lmaydi. Ulardan ba’zilari minglab funt vayronalar ostida ko‘milgan. Ba’zilari noma’lum", - deya qo‘shimcha qildi u.

Vens, shuningdek, XAMASni demilitarizasiya qilish ham vaqt talab qilishini ta’kidladi. Uning qo‘shimcha qilishicha, Vashington hamkorlar bilan zarur xavfsizlik sharoitlarini ta’minlash va o‘t ochishni to‘xtatish kelishuvi amalga oshirilishini ta’minlash uchun gumanitar tuzilmani yaratish ustida ishlamoqda.

XAMAS harakatlarini sharhlar ekan, Vens guruh AQSh prezidenti Donald Trampning tinchlik rejasi qoidalariga ko‘ra qurolsizlantirilishi kerakligini ta’kidlab, nafaqat Isroil, balki Fors ko‘rfazidagi bir qancha davlatlar tomonidan ham qo‘llab-quvvatlanganini ta’kidladi.

Vensning ta’kidlashicha, XAMAS jangarilariga qurolsizlantirish va tartibni saqlash sharti bilan yumshoqlik berilishi mumkin: "XAMAS qurolsizlanishi va o‘zini to‘g‘ri tutishi kerak; barcha jangchilarga qandaydir afv bo‘lishi mumkin, lekin ular bir-birlarini yoki boshqa falastinliklarni o‘ldirmasliklari kerak".

Amerika vise-prezidenti uzoq muddatli tinchlikka erisha olishlariga ishonch bildirdi. "Agar XAMAS Tramp aytganidek hamkorlik qilmasa, harakat yo‘q qilinadi", — deya qo‘shimcha qildi u.