Agentlikning yozishicha, parvozni kuzatuvchi xizmatlar Turkiyaning Chorli aviabazasidan ko‘tarilgan uchta dron uch kundan beri flotiliya ustida uchib yurganini qayd etdi. Turkiya tashqi ishlar, mudofaa vazirliklari va razvedka agentligi holatga izoh bergani yo‘q.
Global Sumud flotiliyasi qirqqa yaqin kemadan iborat bo‘lib, unda turli davlatlar parlamentlari a’zolari, huquqshunoslar va faollar, jumladan iqlim o‘zgarishlariga qarshi faol Greta Tunberg ham qatnashmoqda.
Bir necha kun oldin Italiya va Ispaniya flotiliyaga yordam yoki qutqaruv zarurati tug‘ilganda hamroh bo‘lish uchun ovz kemalarini yuborgandi, biroq harbiy aralashuv harakatlarini qilmasliklarini bildirishgan. Gresiya qirg‘oq qo‘riqchilari ham flotiliya o‘z hududidan o‘tayotganda kuzatuv olib borishini ma’lum qilgan.
O‘tgan haftada flotiliya dron hujumiga uchragan va buning natijasida ba’zi kemalar shikastlandi. Isroil ushbu hodisa yuzasidan izoh bermadi, ammo ilgari G‘azoga kemalarning kirishiga yo‘l qo‘ymaslik uchun barcha choralarni ko‘rishini aytgan. Isroil hukumatining fikricha, G‘azo sektoriga nisbatan qo‘llanayotgan dengiz blokadasi qonuniydir.
Netanyaxuning nutqini O‘zbekiston ham boykot qilgan. BAA esa yo‘q
Ukraina dronlari Rossiyaning ikki yirik neft ob’ektlarini yo‘q qilib tashladi
Agar dollar O‘zbekiston bozoridan butunlay chiqib ketsa, nima bo‘ladi?
