Kaliforniya polisiyasi haydovchisiz taksiga yo‘l harakati qoidalarini buzgani uchun jazo qo‘llay olmadi

Amerikaning Kaliforniya shtati San-Bruno shahrida polisiya noqonuniy burilish qilgani uchun jarima qo‘llash maqsadida mashinani to‘xtatdi. Haydovchisiz mashina Waymo xizmatining o‘zi boshqariladigan taksisi bo‘lib chiqdi.

The Guardian nashri xabar berishicha , huquq-tartibot idoralari bu haqda ijtimoiy tarmoqlar orqali ma’lum qilgan.

Polisiya mast haydovchilarga qarshi reyd o‘tkazayotganida o‘zi boshqarayotgan taksi svetoforning qizil chirog‘ida burilib ketgan. "Haydovchi bo‘lmagani uchun jarima rasmiylashtirib bo‘lmadi (qonunda "robot"larga jarima qo‘llash yo‘q)" — deyiladi polisiya xabarida.

Agentlik nosozlik haqida Waymo kompaniyasini xabardor qildi. Polisiya transport vositalari qayta dasturlashtiriladi va endi yo‘l harakati qoidalarini buzmaydi deb umid qilmoqda.

Waymo voqeaga javob berib, uning avtonom haydash tizimi yo‘l harakati qoidalarini hisobga olgan holda ishlab chiqilganligini aytdi. Kompaniya vaziyatni o‘rganmoqda va "yo‘l harakati xavfsizligini yaxshilash majburiyatini oladi".