Ko‘p qavatli uylarga tutash tuproqli va yashil maydonlarni o‘zboshimchalik bilan betonlaganlik uchun javobgarlik belgilanmoqda

Bu bo‘yicha qonun Oliy Majlis Qonunchilik palatasi deputatlari tomonidan qabul qilinib, Senatga yuborildi.

Unga ko‘ra, o‘rmon fondi yerlarini qonunga xilof ravishda berish va ularda bino-inshootlar hamda imoratlarni qurish, ko‘p kvartirali uyga tutash tuproqli va (yoki) yashil qoplamali yer uchastkasini o‘zboshimchalik bilan betonlashtirish, shuningdek ushbu yer uchastkasida qurilma va konstruksiyalarni o‘rnatganlik uchun javobgarlik belgilanishi nazarda tutilgan.