O‘zbekistonlik sportchi yunon-rim kurashi bo‘yicha jahon chempioni bo‘ldi

Bu o‘zbekistonlik yunon-rum kurashchilari uchun so‘nggi 24 yil ichida jahon chempionatlaridagi ilk oltin medal hisoblanadi.

Xorvatiyaning Zagreb shahrida o‘tkazilgan sport kurashi bo‘yicha jahon chempionatida Aytjan Xalmaxanov O‘zbekiston sharafini munosib himoya qildi. U yunon-rum kurashida -63 kg vazn toifasida finalda koreyalik Chung Xan-Jeni mag‘lub etib, oltin medalga sazovor bo‘ldi.

Bu natija — so‘nggi 24 yil ichida o‘zbekistonlik yunon-rum kurashchilari uchun jahon chempionatida qo‘lga kiritilgan ilk oltin medal hisoblanadi.

Chempionat yakuniga ko‘ra, O‘zbekiston terma jamoasi jami 5 ta medal oldi:

• Oltin: Aytjan Xalmaxanov (63 kg, yunon-rum kurashi)

• Kumush: Alisher G‘aniyev (60 kg, yunon-rum kurashi)

• Bronza: G‘ulomjon Abdullayev (57 kg, erkin kurash)

• Bronza: Umidjon Jalolov (65 kg, erkin kurash)

• Bronza: Abdullo Aliyev (72 kg, yunon-rum kurashi)