Isroilning sobiq mudofaa vaziri va muxolifat yetakchilaridan biri Beni Gans bosh vazir Binyamin Netanyaxuga 2026 yil bahorida bo‘lib o‘tadigan saylovlardan keyin garovdagi fuqarolarni ozod qilishni asosiy maqsad qilgan vaqtinchalik koalision hukumat tuzishni taklif qildi.
Gansning ta’kidlashicha, Isroil ayni paytda og‘ir tanlov oldida turibdi. Netanyaxu hozirgi kunda G‘azodagi urushni tugatish va XAMAS bilan kelishuvga borishga qarshi bo‘lgan o‘ta o‘ng partiyalarning qo‘llab-quvvatloviga tayanadi. Gans bu yo‘lni noto‘g‘ri deb hisoblaydi va zalojnilarni ozod qilish bo‘yicha kelishuvga erishish mumkin va urushni davom ettirishdan ko‘ra afzal, deb hisoblaydi.
«Bizning zalojnilarimizning hayoti xavf ostida, ularning vaqti tugab bormoqda», — dedi Gans.
U garovdagilarning juda qattiq ozib ketgan holatlari aks etgan videolarga ishora qilib, Bergen-Belzen lageridan omon qolgan onasi haqida eslab o‘tdi:
«Onam menga hayot – muqaddas ne’mat ekanini o‘rgatgan», — dedi u va shu bois siyosiy raqibiga ittifoq qo‘lini uzatishini bildirdi.
«Agar Netanyaxu rozi bo‘lmasa, bizning qo‘limizdan kelgan barcha narsani qilganimizni xalq biladi», — dedi Gans.
Ammo tahlilchilarning fikricha, bunday ittifoq ehtimoli juda past, chunki XAMAS bilan otishmani to‘xtatish haqidagi kelishuv Netanyaxuning siyosiy kelajagiga tahdid soladi.
Hindiston tashqi ishlar vaziri G‘arbni "agar yoqmasa" neftni sotib olmaslikka chaqirdi
Shimoliy Koreya askarlari Janubiy Koreya chegarasini kesib o‘tdi
Keyingi 5 yil ichida boshlanishi mumkin bo‘lgan 5 ta urush
