Isroil Tashqi ishlar vazirligi BMTning G‘azo sektoridagi ocharchilik haqidagi hisobotini rad etdi

Vazirlikning bayonotiga ko‘ra, mazkur hisobot “soxta” bo‘lib, Falastinning HAMAS harakati manfaatlariga moslab yozilgan.

Bu haqda Isroil Tashqi ishlar vazirligi 22 avgust kuni ma’lum qildi..

"Unda keltirilgan ma’lumotlar yolg‘on", deyiladi Isroil Tashqi ishlar vazirligining Telegram-kanalidagi xabarida.

Shuningdek, Isroil rasmiylari G‘azo sektoriga 100 mingdan ortiq gumanitar yordam ortilgan yuk mashinalari kirib borganini va bu bozorlarda oziq-ovqat mo‘l-ko‘lligi hamda narxlar pasayishiga olib kelganini ma’lum qilgan.

BMTning bayonoti Oziq-ovqat xavfsizligi bosqichlarining kompleks tasnifi (IPC) ma’lumotlariga asoslangan.