Andijonda 100 million so‘m.dan ziyod tovarlarni hujjatlarda ko‘rsatmasdan olib kirishga bo‘lgan urinish fosh etildi

Yurtimizga tovar-moddiy boyliklarni olib kirishda bojxona to‘lovlarini chetlab o‘tishga urinayotgan shaxslarning noqonuniy xatti-harakatlariga bojxona organlari tomonidan o‘z vaqtida chek qo‘yilmoqda.

Xususan, Andijon viloyati bojxona boshqarmasining “Do‘stlik” chegara bojxona posti orqali yurtimizga kirib kelgan “VOLVO” rusumli yuk avtotransport vositasi belgilangan tartibda bojxona ko‘rigidan o‘tkazildi.

Natijada, yuk kuzatuv hujjatlarida yozib ko‘rsatilmagan 131,2 million so‘m qiymatdagi 4 tonna tovar moddiy boyliklar mavjud ekanligi aniqlandi.

Xozirda mazkur holat yuzasidan bojxona organlari tomonidan tergovga qadar tekshiruv harakatlari davom ettirilmoqda.