AQSh shu hafta Rossiyaning 2016 yilgi saylovlarga aralashuvi haqida yangi ma’lumotlarni e’lon qiladi

AQSh rasmiylari Rossiyaning 2016 yilgi AQSh saylovlariga aralashuvi haqidagi ma’lumotlarning uydirmalari haqida batafsil ma’lumotni kelasi hafta ommaga taqdim etadi.

Bu haqda AQSh Milliy razvedka boshqarmasi direktori Tulsi Gabbard Fox News telekanaliga bergan intervyusida ma’lum qilgan.

"Biz bu qanday sodir bo‘lganligi va bu ma’lumotlar Amerika xalqidan qay darajada yashirilgani haqida batafsil ma’lumotni kelasi hafta e’lon qilamiz", dedi u.

Gabbardning so‘zlariga ko‘ra, AQSh ma’muriyatida ma’lumotlarning uydirilishi uchun "aybdorlarni ayblash" uchun yetarli dalillar mavjud. "Biz qo‘limizdagi hamma narsani va keyinroq bu ish bo‘yicha topganimizni AQSh Adliya vazirligiga topshiramiz. Buning uchun javobgarlar hozir qanchalik kuchli yoki o‘sha paytda bo‘lganidan qat’i nazar, ayblanishi kerak", - dedi AQSh milliy razvedkasi rahbari.

Eslatib o‘tamiz, 2016 yilda AQSh razvedka idoralari Rossiyani Amerika saylov jarayoniga aralashishda ayblagan edi. Tergovni AQShning maxsus prokurori Robert Myuller boshqargan. 2019 yil 18 aprelda AQSh Adliya vazirligi o‘zining yakuniy hisobotini e’lon qildi, unda maxsus prokuror saylovda g‘alaba qozongan Tramp va Rossiya o‘rtasida hech qanday til biriktirmaganligini tan oldi. Har ikki tomon bir necha bor har qanday qonunbuzarlikni rad etgan.