Suriyalik druzlar shayxlari mahbuslarni almashishga tayyorligini e’lon qildi

Suriyaning As-Suvayda viloyatidagi druzlar jamoasi rahbariyati mamlakat janubidagi to‘qnashuvlardan so‘ng arab qabilalari bilan asirlarni almashish operasiyasiga tayyorligini ma’lum qildi.

Bu haqda Sham TV telekanali jamiyat bayonotiga tayanib xabar berdi.

Unda aytilishicha, asirga olingan jangchilar va garovga olinganlarni ozod qilish Umm Zaytun mintaqasida mahalliy vaqt bilan soat 18:00da boshlanadi. "Biz barchani hamkorlikka va ushbu jarayonning muvaffaqiyatini ta’minlash uchun maksimal mas’uliyatni namoyon etishga chaqiramiz", deyiladi matnda. "Biz o‘g‘irlab ketilgan o‘g‘illarimiz, qizlarimiz va bolalarimizning sog‘-salomat qaytishiga umid qilamiz".

Bayonotda viloyatda uyali aloqa va internetni zudlik bilan tiklash talabi bor.

Eslatib o‘tamiz, 19 iyul kuni druzlar shayxlari o‘tish davri hukumati ichki xavfsizlik kuchlarini As-Suvayda provinsiyasi ma’muriy chegaralariga arab qabilalarining qurolli jangarilarining o‘z hududiga kirib kelishiga yo‘l qo‘ymaslik uchun joylashtirishni qo‘llab-quvvatlagan edi. Shuningdek, ular Bosra al-Harir va Bosra ash-Shom hududlarida fuqarolarning xavfsiz harakatlanishi uchun gumanitar yo‘laklarni ochishga roziliklarini e’lon qilishdi.

Yakshanbaga o‘tar kechasi Ichki ishlar vazirligining Arab Respublikasining o‘tish davri hukumatidagi vakili Nuriddin al-Bobo Suriyaning As-Suvayda shahri va shu nomdagi viloyatida 13 iyul kuni boshlangan qurolli to‘qnashuvlar butunlay to‘xtaganini ma’lum qildi. Avvalroq Suriyaning o‘tish davri prezidenti Ahmad al-Shara As-Suvaydada zudlik bilan o‘t ochishni to‘xtatish rejimi joriy etilganini ma’lum qilgandi.