Tramp 7 iyul kuni G‘azoda o‘t ochishni to‘xtatishni e’lon qilishi mumkin

AQSh prezidenti Donald Tramp 7 iyul, dushanba kuni, agar Isroil va XAMAS o‘rtasidagi muzokaralar muvaffaqiyatli yakun topsa, G‘aza sektorida vaqtinchalik o‘t ochishni to‘xtatish haqida e’lon qilishi mumkin. Bu haqda The National nashri Milliy manbalarga tayanib xabar berdi.

Ma’lumotlarga ko‘ra, muzokaralar 6 iyul kuni Qatar poytaxti Doxada qayta boshlangan. Bu muzokaralar:

• 60 kunlik vaqtinchalik sulh,

• 10 nafar garovdagi shaxsni ozod qilish,

• va 18 nafar qurbonning jasadini qaytarishni o‘z ichiga olgan kelishuv asosida olib borilmoqda.

XAMAS mazkur taklifga iyjobiy javob bergan, va shu asosda yangi muzokaralar davom etmoqda. Ular Isroil Bosh vaziri Binyamin Netanyaxuning Vashingtonga amalga oshiradigan tashrifi arafasida o‘tmoqda.

The National manbalarining qayd etishicha, o‘t ochishni to‘xtatish to‘g‘risidagi qaror Doxadagi muzokaralarda yakunli kelishuvga erishish imkoniyatiga bog‘liq bo‘ladi. Agar taraflar barcha parametrlar bo‘yicha kelishuvga yetisha olsa, Tramp:

• vaqtinchalik o‘t ochishni to‘xtatishni e’lon qilishi,

• XAMASni qurollarini tashlashga va barcha garovdagilarni ozod qilishga chaqirishi mumkin.

Muzokaralar natijalari va Trampning rasmiy bayonoti kutilayapti.