Moskva Afg‘oniston Islom Amirligini rasman tan oldi

Bu haqda TASS agentligiga Rossiya Tashqi ishlar vazirligi ma’lum qildi.

Rossiya prezidenti maxsus vakili Zamir Kabulovning so‘zlariga ko‘ra, Afg‘onistonda Tolibon hukumatini tan olish qarori TIV rahbari Sergey Lavrovning taklifi asosida prezident Vladimir Putin tomonidan qabul qilingan va bu Moskvaning Kobul bilan muloqotni yo‘lga qo‘yishga intilayotganini ko‘rsatadi.

Shu bilan birga, Afg‘onistonning Moskvadagi elchixonasida mamlakatning Tolibon tomonidan joriy qilingan bayrog‘i ko‘tarildi.