Qo‘riqxonaga noqonuniy kirgan huquqbuzarga chora ko‘rildi

Ijtimoiy tarmoqlarda Chotqol davlat biosfera qo‘riqxonasi hududida joylashgan Paltau sharsharasigacha yo‘ltanlamas avtomobilda noqonuniy kirish aks etgan video tarqali va keskin tanqidlarga sabab bo‘ldi.

Toshkent viloyati Ekologiya, atrof-muhitni muhofaza qilish va iqlim o‘zgarishi boshqarmasi Bo‘stonliq tuman bo‘limi inspektorlari holatni o‘rganib, transport vositasi bilan qo‘riqxonaga noqonuniy kirilganligini aniqladi.

Huquqbuzarga Ma’muriy javobgarlik to‘g‘risidagi Kodeksning 82-moddasi 2-qismi bo‘yicha ma’muriy bayonnoma rasmiylashtirilib, bazaviy hisoblash miqdorining 10 baravari — 3 million 750 ming so‘m jarima belgilandi.

Ma’lumot uchun, O‘zbekiston Respublikasi “Muhofaza etiladigan tabiiy hududlar to‘g‘risida”gi qonunining 19–22-moddalari va “Tabiati muhofaza qilish to‘g‘risida”gi qonunning 47-moddasiga ko‘ra, davlat qo‘riqxonalari va boshqa tabiiy hududlarda har qanday faoliyat taqiqlanadi. Fuqarolarga faqat tegishli ruxsatnoma bilan muhofaza hududlariga kirish ruxsat etilgan.