Iliya Topuriya UFC 317 turnirining markaziy jangida Charlz Oliveyrani nokautga uchratib, yengil vazn toifasidagi kamarni qo‘lga kiritdi

29 iyunga o‘tar kechasi Las-Vegasda UFC 317 musobaqasida Iliya Topuriya va Charlz Oliveyra o‘rtasida chempionlik jangi bo‘lib o‘tdi.

Topuriya birinchi raundda Oliveyrani nokautga uchratdi.

Avvalroq Topuriya yarim yengil vazn toifasidagi chempionlikni tark etib, yengil vazn toifasiga o‘tgandi. U biror marta UFC'da yutqazmagan - 8:0.

2022 yilda Oliveyra Islom Maxachevga yutqazib, yengil vazn toifasida chempionlik kamarini yo‘qotdi. Shundan so‘ng u Beneil Dariush va Maykl Chandlerni mag‘lub etdi va Arman Sarukyanga yutqazdi.