27 iyun kuni Isroil harbiy-havo kuchlari Livanning janubida joylashgan va «Hizbulloh» tomonidan faoliyat yuritilgan yer osti inshootiga havodan zarba berdi. Isroil armiyasi buni muhim harbiy infratuzilma deb atadi.
Isroil armiyasi xabariga ko‘ra, havo hujumi Livanning Bofort tog‘ tizmalarida joylashgan inshootga yo‘naltirilgan. Bu ob’ekt «Hizbulloh» harakati tomonidan o‘t ochish va mudofaa boshqaruvi maqsadida foydalanilgan.
Bayonotda aytilishicha, ushbu inshoot «Hizbulloh»ning muhim yer osti loyihasining bir qismi bo‘lib, armiya tomonidan amalga oshirilgan hujumlar natijasida faoliyatdan chiqarilgan.
Isroil tomonining ta’kidlashicha, so‘nggi oylarda «Hizbulloh» ushbu inshootni tiklashga harakat qilgan va bu urinishlar qo‘shni davlatlar o‘rtasidagi kelishuvlarga zid holda amalga oshirilgan.
Isroil armiyasi bu ob’ektning mavjudligi va undagi harakatlarni mamlakat xavfsizligiga tahdid deb baholab, «Hizbulloh»ning ushbu hududdagi faoliyatiga qarshi kurashni davom ettirishini bildirgan.
Ta’kidlash joizki, 2024 yil aprel oyida ham Isroil “Hizbulloh” tomonidan raketa omborxonasi sifatida foydalanilgan binoga havo zarbasi bergan edi.
Isroil va Livan o‘rtasidagi munosabatlar hozirda yanada keskinlashmoqda. Bu kabi zarbalar esa mintaqadagi tortishuvlarni yanada chuqurlashtirishi mumkin.
Eldor Shomurodov yangi jamoasining taklifini qabul qildi
Isroil Eron bilan urush tugaganini rasman e’lon qildi
Eron Isroilni mag‘lubiyatga uchratganini ma’lum qildi
