Argentina hukumati Rossiyani dezinformasiya bilan shug‘ullangan va mahalliy nodavlat tashkilotlarga ta’sir o‘tkazgan agentlar tarmog‘ini yaratishda aybladi. Bu haqda hukumat rasmiy vakili Manuel Adorni ma’lum qildi.
Argentina razvedkasi ma’lumotlariga ko‘ra, bu faoliyatda asosiy rolni Argentinada turmush o‘rtog‘i Irina Yakovenko bilan birga yashovchi RF fuqarosi Lev Andriashvili ijro qilgan.
Ta’kidlanishicha, tarmoq "Laxta" loyihasi bilan bog‘liq bo‘lgan - "Vagner" XHKning marhum rahbari Yevgeniy Prigojin bilan bog‘langan tuzilma. Aynan "Laxt" AQSh tomonidan 2018 yildayoq axborot operasiyalarini tashkillashtirish va ijtimoiy tarmoqlar orqali saylovlarga aralashishda ayblangan.
Hodisaga javoban Argentina hukumati Federal qidiruv byurosiga o‘xshash federal polisiya qoshida yangi tergov bo‘limi tashkil etilishini e’lon qildi. U chet el aralashuvi, terrorizm va uyushgan jinoyatchilik bilan shug‘ullanadi.
Rossiya elchixonasi bunga keskin munosabat bildirib, sodir bo‘layotgan voqealarni "josuslik" va Moskva va Buenos-Ayres o‘rtasidagi munosabatlarni buzishga urinish deb atadi.
