Rossiya Isroil va Eronga vositachilik qilishga tayyor

Rossiya Isroil va Eron o‘rtasidagi vositachilik harakatlariga tayyor.

Bu haqda Rossiyaning BMTdagi doimiy vakili Vasiliy Nebenzya Nyu-Yorkda jurnalistlar oldida qilgan chiqishida ma’lum qilgan.

Diplomat Rossiya tomoni vaziyatni barqarorlashtirish uchun barcha imkoniyatlarni ishga solishga tayyorligini ta’kidladi:

"Yaqinda Rossiya prezidenti Vladimir Putin va Amerika yetakchisi Donald Tramp o‘rtasida suhbat bo‘lib o‘tdi. Putin Trampga bu masalada qo‘limizdan kelgan barcha ishni qilishga tayyormiz, dedi. U to‘g‘ridan-to‘g‘ri Rossiyaning Isroil va Eron o‘rtasidagi taranglikni pasaytirish uchun vositachilik harakatlariga tayyorligini bildirdi".

Nebenzyaning qo‘shimcha qilishicha, Rossiya hozirda mintaqada muayyan vositachilik missiyasini amalga oshirmayotgan bo‘lsa-da, diplomatik muvofiqlashtirish davom etmoqda: "Hozirda bizda Isroil-Eron qarama-qarshiligi bo‘yicha vositachilik yo‘q. Bunday masalalarda tomonlarning roziligi zarur".