Eronning ko‘plab shaharlarida itlar yurishi taqiqlangan. Ilgari Tehron bilan chegaralangan taqiq endi mamlakatning 20 ga yaqin boshqa shaharlariga, jumladan Isfaxon va Kirmonga ham joriy etildi, deya xabar beradi mahalliy OAV.
Rasmiylar qarorga sabab sifatida “jamoat tartibi, xavfsizlik va salomatlik” bilan bog‘liq xavotirlarni ko‘rsatdi. Ilom shahar ma’muriyati vakilining aytishicha, qoidabuzarlarga nisbatan “qonuniy choralar” ko‘riladi.
Eronda itlarga munosabat keskinligicha qolmoqda. Garchi itlarga egalik qilish rasman taqiqlanmagan bo‘lsa-da, 1979 yilgi Islom inqilobidan keyin uy hayvonlariga egalik qilish shartlari tobora qattiqlashdi. Islom an’analarida itlar harom sanaladi va ular bilan yurish G‘arb turmush tarzining ko‘rinishi sifatida ko‘riladi.
Diniy konservatorlar ko‘chadagi itlar boshqa odamlarga noqulaylik tug‘diradi va islom madaniyatiga zararli ekanligini ta’kidlaydilar. Shuning uchun ular ko‘p yillar davomida uy hayvonlarini saqlash va yurishni butunlay taqiqlashni talab qilmoqdalar.
«Jahannam darvozasi» krateri tez orada so‘nadi
Yurtimizda yana bir poraxo‘r amaldor qo‘lga tushdi!
Ukraina kutilmaganda havo jangida g‘alaba qozondi: F-16 Rossiyaning Su-35 samolyotini urib tushirdi
