Xabar berilishicha, mamlakat harbiy-dengiz kuchlari G‘azo sektoriga yo‘l olgan Madleen kemasini to‘xtatdi. Bortda shved eko-faoli Greta Tunberg va yana 11 nafar faol bo‘lgan.
Isroil TIV bayonotiga ko‘ra, Madleen kemasining barcha yo‘lovchilari o‘z mamlakatlariga deportasiya qilinadi.
Avvalroq Greta Tunberg G‘azo sektoridagi “Isroilning qamalini yorib o‘tish” va u yerga gumanitar yordam yetkazishni maqsad qilganini aytgan edi. Isroil rasmiylari esa Tunbergning yaxtasi G‘azoga kiritilmasligini va buning uchun barcha choralar ko‘rilishini bildirgandi.
"G‘azoga yordam yetkazishning sinovdan o‘tgan yo‘llari mavjud va bu Instagram uchun selfilarni o‘z ichiga olmaydi. Bortdagi “yulduzlar” foydalanmagan gumanitar yukning ozgina qismi G‘azo aholisiga rasmiy kanallar orqali topshiriladi", deyiladi Isroil Tashqi ishlar vazirligi bayonotida.
Ijtimoiy tarmoqlarda “Ozodlik flotiliyasi” vakillari kemadagi ko‘ngillilar Isroil harbiylari tomonidan o‘g‘irlab ketilganini bildirgan va jahon hamjamiyatini ularning xavfsizligini ta’minlash uchun Isroil Tashqi ishlar vazirligiga bosim o‘tkazishga chaqirgan.
«Jahannam darvozasi» krateri tez orada so‘nadi
Ukraina kutilmaganda havo jangida g‘alaba qozondi: F-16 Rossiyaning Su-35 samolyotini urib tushirdi
“Keling, shunday kelishaylik: Biz Ukrainada bunday raketalarni ma’lum miqdorda joylashtiramiz"
