2025 yilning yanvar-mart oylari oralig‘ida Rossiyada migrantlar o‘tgan yilning shu davriga nisbatan 15 foizga ko‘p jinoyat sodir etgan. Migrantlar orasida terrorchilik bilan bog‘liq ishlar soni uch barobar oshdi, dedi Rossiya Federasiyasi Tergov qo‘mitasi raisi Aleksandr Bastrikin.
Bo‘lim boshlig‘ining qo‘shimcha qilishicha, migrantlar tomonidan sodir etilgan og‘ir jinoyatlarning 65 foizi giyohvand moddalar savdosi bilan bog‘liq. U, shuningdek, 2024 yilda migrantlar o‘rtasida jinoyatchilik 2023 yilga nisbatan 1 foizga kamayganini qayd etdi."Mutlaq raqamlarda: 2023 yilda 38936 jinoyat, 2024 yilda 38578 jinoyat", dedi u.
Bundan tashqari, 2024 yilda Rossiya Federasiyasi Tergov qo‘mitasi migrasiya sohasida ishlagan mansabdor shaxslar tomonidan sodir etilgan jinoyatlar bo‘yicha 918 ta jinoiy ish qo‘zg‘atdi. Bu 2023 yildagidan "sezilarli darajada ko‘p", dedi Bastrikin. 707 ta ish bo‘yicha ayblanuvchilar Ichki ishlar vazirligi xodimlaridir.
Avvalroq Rossiya sudlari 21 mingdan ortiq xorijlikka hukm chiqargani xabar qilingandi. Ularning 20 mingdan ortig‘i MDH mamlakatlari rezidentlaridir. Ko‘pincha migrantlar o‘g‘irlik va giyohvand moddalar savdosida aybdor deb topildi.
Markaziy Osiyo xalqlari uchun Rossiya endi qiziq emas
"Kim Chen Inni sud qilish vaqti keldi"
Rossiya o‘t ochishni to‘xtatish uchun ikkita shartni ilgari surmoqda — Bild
