2025-yil 16-may kuni Albaniyada bo‘lib o‘tgan Yevropa Siyosiy Hamjamiyati sammitida Rossiyaga nisbatan yangi sanksiyalar joriy etish masalasi asosiy mavzulardan biri bo‘ldi. Sammitda Britaniya Bosh vaziri Kir Starmer, Fransiya Prezidenti Emmanuyel Makron, Germaniya kansleri Fridrix Mers va Ukraina Prezidenti Vladimir Zelenskiy ishtirok etdi.
Evropa Ittifoqi Politico nashriga ko‘ra, agar Rossiya Kiyev tomonidan taklif etilgan 30 kunlik o‘t ochishni to‘xtatish rejimiga rozi bo‘lmasa, unga qarshi to‘liq savdo embargosini joriy etishi mumkin.
Shu bilan birga, statistik ma’lumotlarga ko‘ra, Rossiya va Yevroittifoq o‘rtasidagi savdo hajmi 2023-yilda 67 milliard yevroga tushgan — bu 1999-yildan beri eng past ko‘rsatkich. Biroq ayrim davlatlar bilan, jumladan Irlandiya, Fransiya va Xorvatiya bilan savdo hajmida o‘sish qayd etilgan.
Ekspertlar fikricha, to‘liq embargo Rossiya iqtisodiyotiga sezilarli zarar yetkazishi mumkin, ayniqsa energiya va xomashyo sohalarida. Biroq Rossiya so‘nggi yillarda savdosini Xitoy, Hindiston va boshqa sanksiyalarga qo‘shilmagan davlatlarga yo‘naltirib, qisman moslashdi.
Evropa uchun ham bunday chora oson kechmaydi. Embargo xomashyo narxlarining oshishiga, ishlab chiqarish zanjirlarining buzilishiga va iqtisodiy yo‘qotishlarga olib kelishi mumkin. Bundan tashqari, Yevroittifoq ichida ham bu borada yagona fikr yo‘q — Vengriya va Slovakiya kabi davlatlar keskin choralarni qo‘llab-quvvatlamayapti.
Shunga qaramay, Yevroittifoq sanksiyalarni chetlab o‘tishga qarshi nazoratni kuchaytirish, neft tashuvchi “kulrang flot”ga qarshi choralar va strategik mahsulotlar ro‘yxatini kengaytirish bo‘yicha ish olib bormoqda.
Go‘zallik malikasi 9 oyga qamaldi
"Sizlar bizga terrorchi, biz esa sizlarga suv beramiz"
Estoniya va Rossiya o‘rtasida jang chiqishiga sal qoldi
