AQSh prezidenti Donald Tramp may oyi o‘rtalarida Saudiya Arabistoniga safari chog‘ida Fors ko‘rfazi davlatlari rahbarlari bilan uchrashuv o‘tkazmoqchi. Bu haqda Axios portali manbalarga tayanib xabar berdi.
Ularning ma’lumotlariga ko‘ra, sammitda Tramp "AQShning Yaqin Sharqdagi roli bo‘yicha o‘z qarashlarini taqdim etish"ni, shuningdek, o‘z ma’muriyatining mintaqadagi maqsadlarini bayon etishni rejalashtirmoqda. Uchrashuvda Saudiya Arabistoni valiahd shahzodasi va bosh vaziri Muhammad bin Salmon Ol Saudning taklifiga binoan Saudiya Arabistonidan tashqari Bahrayn, Qatar, Quvayt, BAA va Ummonni o‘z ichiga olgan Fors ko‘rfazi arab davlatlari hamkorlik kengashiga a’zo davlatlar rahbarlari ishtirok etishi mumkin.
Boshqa davlatlar rahbarlarining ishtiroki hozircha rejalashtirilmagan, ammo uni istisno qilib bo‘lmaydi, deya ta’kidlaydi portal. Uchrashuv 14 may kuni bo‘lib o‘tishi taxmin qilinmoqda.
Avvalroq Oq uy Tramp 13-16 may kunlari Yaqin Sharqqa safar qilishi, safar davomida Saudiya Arabistoni, Qatar va BAAga tashrif buyurishini ma’lum qilgandi.
O‘zbekiston Rossiya elchisini chaqirtirdi
"Ukrainaliklar ruslar bosib olgan hududlarni de-fakto berishga tayyor"
Indzagi va Chalhano‘g‘lu mafiyaga aloqadorligi uchun diskvalifikasiya qilindi
