Isroil G‘azoda "sun’iy ochlik" keltirib chiqarmoqda

Isroil G‘azoda "sun’iy ochlik" keltirib chiqarmoqda, hujumlar natijasida esa 45 kishi halok bo‘ldi.

Falastin qochqinlari bo‘yicha BMT agentligi (UNRWA) rahbari ta’kidlashicha, Isroil G‘azoda "sun’iy ravishda yaratilgan" va "siyosiy maqsadda uyushtirilgan ochlik"ka sabab bo‘lmoqda, chunki BMTning Jahon oziq-ovqat dasturi anklavdagi yordam zaxiralari butunlay tugaganini xabar qilmoqda.

BMTning oziq-ovqat huquqi bo‘yicha maxsus ma’ruzachisi Maykl Faxri, Isroil G‘azoni 50 kundan ortiq vaqt davomida qamal qilganini va "bu ochlik kampaniyasini hech qanday oqibatlarsiz amalga oshirishda davom etayotganini" ta’kidladi.

Tibbiyot manbalari "Al Jazeera"ga xabar berishicha, juma kunidan boshlab G‘azoda jinoyatchi Isroil hujumlari oqibatida kamida 45 kishi halok bo‘lgan va kunlik qurbonlar soni oshishda davom etmoqda.

Isroilning G‘azoga qarshi urushi 18 oy oldin boshlanganidan beri kamida 51 439 falastinlik halok bo‘lgani va 117 416 nafari yaralangani tasdiqlangan.

G‘azo hukumati matbuot idorasi vayronalar ostida bedarak yo‘qolgan minglab odamlar halok bo‘lgan deb taxmin qilinayotganini aytib, qurbonlar sonini 61 700 dan oshganini ma’lum qildi.