Reuters AQSh tomonidan ilgari surilgan “tinchlik rejasi”ga Ukraina va Yevropaning javobini e’lon qildi

Javob takliflari quyidagilardan iborat:

◾️ Havoda, qurqlikda va dengizda o‘t ochishni to‘liq va doimiy tarzda to‘xtatish;

◾️ Ukraina va Rossiya tomoni AQSh hamda Yevropa davlatlari ishtirokida muzokaralarni texnik amalga oshirishga kirishadi. Shu bilan birga, to‘liq tinchlik kelishuviga erishish uchun kun tartibi va shartlarni tayyorlash amalga oshiriladi;

◾️ O‘t otishni to‘xtatish ustidan nazorat jarayonini AQSh boshqaradi va uni uchinchi mamlakatlar qo‘llab-quvvatlaydi;

◾️ Rossiya barcha deportasiya qilingan va noqonuniy ko‘chirilgan ukranalik bolalarni hech qanday shartlarsiz qaytarishi zarur;

◾️ Harbiy asirlarni “hammasini hammasiga” tamoyili asosida almashish lozim;

◾️ Rossiya barcha fuqarolik mahbuslarini ozod qilishi kerak;

◾️ Ukraina AQSh tomonidan NATO nizomining 5-moddasiga o‘xshash ishonchli xavfsizlik kafolatlarini oladi. Ushbu kafolatlar Ukraina alyansga a’zo bo‘lish bo‘yicha ittifoqchilar kelishuvga erishmagunga qadar amal qiladi;

◾️ Ukraina Mudofaa Kuchlarining faoliyatiga hech qanday cheklovlar qo‘yilmaydi;

◾️ Tinchlik jarayoni kafolatchilari sifatida Yevropa davlatlari va Yevropadan tashqaridagi xohlagan mamlakatlar qatnashishi mumkin;

◾️ Ukraina hududida do‘st davlatlar qurolli kuchlari ishtirokidagi faoliyat, jumladan, qurol-yarog‘lardan foydalanish va operasiyalarga hech qanday cheklovlar qo‘yilmaydi;

◾️ Ukraina Yevropa Ittifoqiga a’zo bo‘lishga harakat qilishi mumkin;

◾️ Barcha hududiy masalalar o‘t ochish to‘liq va barqaror tarzda to‘xtatilganidan so‘ng muhokama qilinadi va hal etiladi;

◾️ Hududlar bo‘yicha muzokaralar amaldagi front chizig‘i asosida boshlanadi;

◾️ Ukraina AQSh ishtirokida Zaporoje AESini qaytarib oladi;

◾️ Ukraina Kaxovka GESi ustidan nazoratni tiklaydi;

◾️ Ukraina Dnepr daryosi bo‘ylab (Xerson va Zaporoje viloyatlaridagi to‘qnashuv chiziqlari hududida) erkin harakatlanish imkoniyatini qo‘lga kiritadi;

◾️ Ukraina Kinburn hududini o‘z nazoratiga qaytaradi;

◾️ AQSh va Ukraina tabiiy resurslardan foydalanish kelishuvi doirasida iqtisodiy hamkorlikni amalga oshiradi;

◾️ Ukraina to‘liq tiklanadi va moliyaviy kompensasiya oladi. Bu, jumladan, Rossiyaning muzlatilgan aktivlari hisobiga amalga oshiriladi. Ushbu aktivlar Ukrainaga yetkazilgan zarar to‘liq qoplanmaguncha muzlatilgan holda qoladi;

◾️ 2014 yilda Rossiyaga qo‘yilgan sanksiyalar barqaror tinchlikka erishilgandan so‘ng bosqichma-bosqich yengillashtirilishi mumkin. Ammo tinchlik kelishuvi buzilsa, sanksiyalar qayta joriy etiladi;

◾️ AQSh va Rossiya energetika hamda boshqa ishlab chiqarish sohalarida hamkorlik qiladi.