Ukrainadagi urushda 84 mingdan ortiq rossiyalik harbiy xizmatchi bedarak yo‘qolgan - 2024 yil boshidan beri Ukrainaning "Topishni xohlayman" loyihasi ularning yaqinlaridan shuncha qidiruv so‘rovini olgan.
"Verstka" nashrining tanishib chiqqan ma’lumotlariga ko‘ra, shu yilning aprel oyiga qadar bedarak yo‘qolgan 58 ming nafar harbiy xizmatchining ma’lumotlarini qayta ishlash imkoni bo‘lgan. To‘plangan statistik ma’lumotlarga ko‘ra, ofiserlar urushda eng kam yo‘qoladi - ular barcha murojaatlarning atigi 1,5 foizini tashkil etadi. Shu bilan birga, ofiser bo‘lmagan harbiy xizmatchilar 61 foizni tashkil qiladi. Qolgan hollarda bedarak yo‘qolganlarning unvonlari murojaatlarda ko‘rsatilmagan.
G‘oyib bo‘lgan rossiyalik harbiylarning eng kichigi yo‘qolish paytida 18 yoshda, eng kattasi esa 67 yoshda bo‘lgan. Shu bilan birga, 20 yoshgacha va 60 yoshdan oshgan yosh toifalari "Topishni xohlayman" bazasida eng kam sonli toifalardir. Ularga barcha murojaatlarning 2 foizdan sal ko‘prog‘i to‘g‘ri keladi. G‘oyib bo‘lish vaqtida eng ko‘p harbiylar 30 yoshdan 39 yoshgacha bo‘lgan (10 682 kishi).
Qozog‘iston Rossiya bilan urushga tayyorgarlik ko‘rmoqdami yoki bu shunchaki ichki chorami?
Abduqodir Husanov nega maydonga tushmayotganligiga oydinlik kiritildi. Asl muammo nimada?
Moskva markazida ketma-ket portlashlar yuz berdi
