Бугун 2 июль, 2022 йил, шанба

O'ZB

Зидан: «Франция миллий жамоасини бошқаришни истайман»

Зидан: «Франция миллий жамоасини бошқаришни истайман»

Франциялик собиқ футболчи ва «Реал» собиқ бош мураббийи Зинедин Зидан мураббийлик фаолияти масаласида гапирди.

«Мен мураббийлик қилишда давом этишни истайман. Албатта, Франция миллий жамоасини бошқаришни истайман. Умид қиламанки, бир кун келиб ушбу жамоа бош мураббийига айланаман. Қачон? Бу менга боғлиқ ҳолат эмас. Лекин Франция миллий жамоаси билан бутун бошли циклни ўтказишни истайман. Мен Франция миллий жамоасида ўйнаганман ва бу ҳаётимда юз берган энг бахтли воқеалардан бири.

Шундай бўлиши керак, лекин қачонлигини билмайман. Франция миллий жамоасида ишлашни хоҳлайман дедимми, демак бунинг учун ҳаракат қиламан. Ҳозир улар жуда яхши жамоа, ўз олдига катта мақсадларни қўйган. Лекин қачондир имконият бўлса, албатта, ҳаракат қиламан.

Бундан ташқари, нега энди ўзим бирор бир лойиҳада етакчи сифатида қатнашмаслигим керак? Мисол учун, жамоа менежери ёки президенти сифатида», — деди Зидан.

Аввалроқ, «ПСЖ» Зидан билан шартнома имзолаш бўйича келиша олмагани ҳақида хабарлар пайдо бўлганди.

Киритилди: 22:06 23.06.2022. Ўқилди: 1576 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!